Kini ang akong suliran, Manoy Emin - Agnes part 4

Ika-upat nga bahin sa sulat suliran ni Agnes ;

   Gidabo dabohan sa kakulba ang akong dughan…Nagkurog ang tuo kong tiil nga diha sa brake, apan wa` nako ibuwag ang akong mga mata sa tawo nga didto malagput sa may basurahan. Wa` na siya maglihok, busa dalidali kong migawas sa akong awto ug samtang gidu-ol ko siya, misamot ang ku`ba sa akong dughan kay patay na gyod siyang tan-awon. 

   Diha na ko sa iyang tungod…Ako unta siyang hikapon apan na-igking ko tungod kay mipata-as man siya sa tuo niyang kamot ug misenyas nga dili siya hilabtan. Miatras ko`g gamay nga medyo nalu-ag lu-agan na ang akong dughan kay milihok man siya…Diha pa ko makamatngon nga may pipila na ka mga sakyanan sa palibut…Ang uban mihunong ug ang uban hinay lang nga milabay, sa tuyo nga mitan-aw sa maong aksidente… 

   Unya anam-anam ug hinay nga mibarug ang maong tawo, ug namapha sa iyang karsones…Gipunit niya ang iyang helmet, kaingnon nako ug motan-aw siya nako ug kasuk-an ko, apan gidu-ol niya ang iyang motor, hinay usab akong misunod kaniya apan diha gihapon ang akong kakulba ug kahadlok…Gitan-aw una niyag maayo ang motorsiklo, dayon iyang gipabarug…Iyang gipaandar ug miandar…Iyang gipatay ang makina, unya midu-ol siya sa akong awto ug gitan-aw pag-ayo ang nalumping nga leftside sa du`ng…Ug diha pa siya motan-aw nako… “Nalumping gyod ang du`ng sa imong awto, Miss “  matud pa niya nako.”

   Ikaw, Okey ra ka, Miss?  Okey ra ko, Sir! Pero ang imong motor may damage, Ipa shop nako ang imong motor ug patambalan nako ang samad sa imong agtang, Sir” Tubag nako ngadto niya…” Ayaw na`g hunahunaa, Miss! Gamay ra kaayo ni! Ug mipahiyom siya nako dayong sul-ob sa iyang helmet, unya misakay ug misakay sa motorsiklo! “ Dili ka mo reklamo? 

Milingi siya nako ug miingon, “Hasol-Hasol lang nang reklamo, makalangay sa atong trabaho, gawas pa, gamay ra lagi kaayo ni”. May siren sa pulis nga nagkaduol, milingi siya sa gigikanan sa siren unya milingi siya nako! “Sigi Miss”! Nagdali siya nga mibiya sakay sa iyang motorsiklo! Morag milikay sa nagkadu-ol nga Pulis! 

   Didto sa Hotel nga akong gisak-an, wa` na mawa` sa akong hunahuna ang maong tawo. Kalit lang kong mahunong ug maghunahuna niya. Bisan sa akong pagkaligo…Motunga ug kalit sa akong hunahuna ug panan-aw ang maong tawo! 

   Samtang nanabon ko sa hubo nakong lawas, akong gipiyong ang akong mga mata aron ma picture ko gyod ang ambungan niyang panagway ug bus-ok niyang mga bukton ug dughan…Wa` lang nako tuyo-a nahinol nako ang labing bililhon nga maoy gitawag ug bulak sa lawas sa babaye…Gipaghidpaghid nako ang akong kamot sa akong buwak ug misagunson ang akong paghangos apan… MIHUNONG KO! 

   “BINU-ANG NI” Nagbagolbol ko. Unya nag-ilis ko ug ug migawas sa kuwarto ug mipaingon sa elevator, sa dihang may misangpit nako “Hi” Paglingi pa nako….Ang tawo diay sa motorsiklo nga akong nabangga`an ug ning higayona, nag-amag ang iyang kaambungan, Manoy Emin… 

(atangi ugma ang ikalima nga sumpay sa sulat suliran ni Agnes)

14 anyos naghikog sa kwarto patay

   Patay ang usa ka 14 anyos nga dalagita human kining maghikog sulod mismo sa ilang panimalay kagahapong adlawa.

   Ang biktima itago lang sa pangalan nga alyas Jenny, 14, residenti sa Barangay Landan Polomolok, South Cotabato, magtutungha sa Landan National High School Polomolok South Cotabato. 

   Matud pa sa amahan niining si George Aquino nga nakita pa sa iyahang manghod ang biktima una kini nagpakamatay apan milabay ang pipila ka minuto nakit-an na lamang kining nagbitay sa sulod sa ilahang kwarto.

   Nangayo og tabang ang igsuon ngadto sa mga silingan aron matangtang ang pisi sa liog niini, apan wala nay kinabuhi ang nahisgutan. 

   Sumala ni Police Supt. Jeody Lito Guisinga ang Chief Of Police sa Polomolok Police Station nga padayon pa nilang ginaimbestigahan ang maong panghitabo human sila makakita ug suicide note sa biktima nga nagkanayon nga dili niini madawat ang pagmarka sa iyahang maestro nga absent kini sulod sa usa ka semana bisan pa man nga nagasulod kini sa klase.

   Sa pagkakaron nagsubo ang mga klasmyt sa biktima sa kalit niining pagkamatay. (TAS)

P15 milyon danyos sa agrikultura sa gensan

   Posibling motaas pa ang damyos sa agrikultura sa pipila ka mga Barangay sa General Santos City tungod sa nasinatiang sobrang kainit nga panahon sa dakbayan karong mga panahona. 

  Una nang gibutyag ni City Agriculturist Merlinda Donasco sa pakighinabi kaniya sa Aksyon Dyaryo nga mokabat na sa P15-million ang natalang damyos sa mga pananum sama na lamang sa mais, palay, saging, lubi, ug uban pang mga lagutmon tungod sa hulaw. 

   Matud pa sa City Agri Nadaut sa dry spell ang mga pananum sa upland barangay sama sa  barangay Batomelong, Barangay Tinagacan, Barangay Bawing, San Jose, Sinawal, Upper Labay ug Barangay Mabuhay. 

   Matud pa ni Donasco nga Miabot na sa 462.59 hectares sa mga pananum ang nadaut sa hulaw kung asa labing apektado ang pananum nga mais. Kahibaluan nga gipahimangnuan ang mga mag-uuma kalabot sa kadaut nga dala sa hulaw kung asa ang uban nag-balhin na sa pagpananum gikan sa mais ngadto sa utanon ug uban pa. 

   Kasamtangan usab gimononitor sa City Agriculture Office ang mga lugar sa GenSan labi na nga gilaumang mudugay pa ang epekto sa El Niño phenomenon sa bulan sa Abril 2016. 

Samtang nakig alayon na usab karon ang City Agri ngadto sa National Irrigation Administration (NIA) aron masayran usab ang estado sa mga palayan nga nagdepende sa patubig sa irigasyon.

Kini ang akong suliran, Manoy Emin - Agnes part 3

     Padu`ng na kami si Romy sa Davao…Siya ang nag drive sa sakyanan nga bag-o pa niyang gi regalo nako…Honey? Pwede mangayo ug gamayng konsuylo? Hinay ug puno sa kabuotan ang tingog ni Romy samtang nagdagan ang sakyanan.Gipaminaw ko lang siya.

Sa ako na`ng gikaingon nimo…Sakit man kaayong palandungon…Kalbaryo man kaayong hunahuna-on nga ikaw akong asawa apan wa` ka gyo`y gugma nako, apan andam akong mag-antus!

     Unya nanghupaw siyag lawom kaayo aron ipahungaw ang nagpu-ot sa iyang dughan. Kuan lang unta---Giputol nako ang buot niyang idugang ug sulti, akong gisapawan ang iyang tingog, ug matud pa nako! Unsa ma`ng gamaya sa konsuylo ang imong pangayu-on!

     Straight ang akong panan-aw ug bisan pasiplat lang ug gamay ngadto niya, wa` ko gyod buhata…Unya laing lawom kaayong panghupaw ang gibuhian sa akong bana. Nahibaw ko, Agnes. Bukid kaayo sa imong buot pero  hangyuon ko gihapon ikaw, dip-ig ngari nako, ug…ug…Isandig ang imong ulo sa akong abaga…Wa` ko motingog…Busa mipuli ang taod-taod nga kahilom…Unya mihinay ko ug dip-ig ni Romy ug gisandig nako ang akong ulo sa iyang abaga…Laing panghupaw na usab ang iyang gibuhi-an nga may uban na nga kalipay…Mahal kaayo ka nako, Agnes! Ayaw gyod kalimot nga mahaaaaaaalll ka kaayo nako! Morag mikagal-kal ang tingog ni Romy, morag mi cracked ang iyang tingog…Gilingi nakog gamay ang nawong ni Romy.

     Nakita nako nga nanghugot ang mga ngabil sa akong bana. Unya…May luha akong nakita nga hinay`ng midailos sa iyang aping.

Pag-abut namo sa Davao Intl. Airport. Nagsigi na ang announcement alang sa mga pasahero nga manglarga sa Manila…Mihunong una si Romy…Iya kong gitotokan ug maayo. Gilikay ko dayon ang akong mga ngabil nga gusto unta niyang hagkan ug ang iyang mga ngabil diri tugpa sa akong aping…Hinaut pa unta, sa ako unyang pagbalik…Mobati ka na ug gugma ngari nako, Agnes.

     Naglugok-lugok ang iyang mga mata nga mitotok nako, dayon miapil siya ug linya sa mga pasaheros, ug ako usab, kusog nga migawas sa Pre Departure Area paingon sa giparkingan sa akong sakyanan.

     Gipa-andar ko ang akong sakyanan ug dali ra akong nakagawas sa airport! Kusog kusog sab ang dagan sa akong sakyanan…Diha sa akong hunahuna nga dili una ako mopauli sa GenSan ug magpalabay una ako ug pipila ka adlaw sa Davao, busa mangita ako ug Hotel nga akong kasak-an, apan sa pag desilya na nako, nanghugot ang akong kaunoran! Kalit kaayo, Manoy Emin! Nabangg-an nako ang usa ka motorsiklo ug nalabay ang driver sa motorsiklo!

(atangi ugma ang ika-upat nga sumpay sa sulat suliran ni Agnes)

Drayber sa Van nga nakabangga sa 3 sakyanan, kasuhan

     Nagpabilin pa karon nga balhug sulod sa selda sa Pendatun Police Station General Santos ang drayber sa Van nga giilang si Billedo Labasan, human kini mahilambigit sa aksidente niadtong milabayng adlaw sa National Highway Barangay Dadiangas North ning dakbayan kung asa gikamatay sa 4 ka mga biktima ug gikaangol sa laing pito pa ka mga pasahero.
     Kini ang gikomperma ni Police Officer 1 Joel Quilinderino imbestigador sa Gensan Traffic Control Division sa pakighinabi kaniya sa Aksyon Dyaryo. Matud pa niini nga kasong reckless imprudence resulting to homicide.
     Kahibaluan nga gibasol sa naasoyng drayber ang nadanlog sa dalan rason nga iyahang gipang daro ang duha ka traysikol ug usa ka motorsiklo nga gikamatay sa mga biktimang giilang silang Alfonzo Calindo, 55 anyos, Ryan Bedanio, 28 anyos, ug Jaime Pendejeto. 

     Samtang nagpabilin pa karon sulod sa mga balay tambalanan ang mga biktimang silang John Philip Batayo, 20; Rudolfo Barbo, 44 ; April Rose Mendoza, 10 ; Ryan Gentica, 21; Mary Joy Montinola, 45 ; Leonido Villanueva, 35 ; ug Dona Viel Tunguia, 35.
     Apan gihingusgan ni PO1 Joel Quilinderio, investigator sa Traffic Management Unit kun TMU nga paspas ang pagpadagan sa van nga mituyok pa hinungdan nabanggaa niini ang trisikel ug motorsiklo.

Acharon Vs Rivera Na! pagka-congressman

          Opisyal ng kandidato sa Peoples Champ Movement (PCM) si Ryan Rivera nga mipapili isip Kongresista sa Unang Distrito sa South Cotabato human nga mi withdraw sa iyahang kandidatora isip Kongesista usab si City Councilor Dominador “Dom Dom”Lagare nga nagfile sa iyahang certificate of candidacy sa maong posisyon.
          Sa maong plastada mamahimong magtigi sa 1st district congressional race nga pagalangkuban sa General Santos, Polomolok, Tupi ug Tampakan silang incumbent 1st District Representative Pedro B. Acharon Jr. ug Ryan Rivera na.
          Matud pa sa tinubdan sa Aksyon Dyaryo nga rason nganung mi withdraw sa iyahang kandidatura sa pagka Kongresista si Dom Dom Lagare ilawom sa landing sa partidong PCM tungod matud pa sa iyahang injury sa tiil.
          Kahibaluan nga si Ryan Rivera ang mi file sa iyahang kandidatura isip independent candidate.
Samtang sa tubag ni Representative Pedro Acharon Jr., sa posibli nilang panag atbang karong Mayo 9, 2016.  “aw ok lang naku, tanan man ta adunay kagawasan nga mupapili sa eleksiyon, bahala na ang tawo sa Gensan, Polomolok Tupi ug Tampakan nga magpili namong duwa” pamahayag ni Rep.Pedro Acharon Jr.   

Estudyante ug laing tulo pa sakpan sa buybust

UPAT dakpan sa buybust operation sa Tropa sa Regional Special Investigation and Detection Team (RSIDT) kagahapong adlawa sa Beatiles St. Barangay South, General Santos City. 

Giila ni RSIDT Chief Police Supt. Maximo Sebastian ang mga suspek nga silang si Rey Callo, 20, estudyante, residenti sa Barangay Palian Tupi, Richie Betantos, 41, residenti sa Sunrise Subd. Barangay Lagao, Weldan Manansala, 34, residenti sa Tupi ug Roque Mananzala, residenti sa  Beatiles St. Barangay South General Santos City. Sumala ni Supt. Maximo Sebastian nga unang gidudahan ang mga suspek nga lambigit sa robbery hold-up dinhi sa syudad sa General Santos apan nasuta sa ilang gipahigayong surveillance nga lambigit sa iligal nga druga ang mga suspetsado. 

Nakuha gikan sa posisyon sa mga suspek ang duha ka armas, iligal nga druga  ug mga drug paraphernalia's. Gibutyag usab  ni Sebastian nga dugay na nilang namonitor ang mga suspek gumikan sa paghupot ug tag-as nga matang sa armas ug paggamit ug motorsiklo nga walay plate number hinungdan nga sila nagduda nga lambigit sa pagpanulis ang mga suspetsado. 

Bisan paman nga nadakpan na ang mga suspek tungod sa druga, sayron gihapon sa tropa ni Sebastian kung lambigit sa robbery-hold up ang mga suspek.  Sa kasamtangan, giandam na ang kasong posibling ipasang-at batok sa upat ka mga suspek.

Suspek sa pagpamomba sa Gensan, samdan sa engkwentro

Dako ang pagtuo sa mga mirespondeng tropa sa militar na posibleng samdan usab si Mohammad Jaafar Maguid alyas Tokboy human sa nahitabong engkwentro sa Butril, Palimbang, Sultan Kudarat niadtong milabayng hapon. 

Mismong mga tawo sa lugar ang nikumpirma nga patay sa engkwentro ang mga sinaligan ni Maguid alyas Tokboy na giila silang Gibgib, asawa niini og laing usa pa ka wala mailhing babaye. 

Sa imbestigasyon sa kapolisan sakay matod pa sa usa ka motorsiklo ang mga biktima kauban si Maguid sa dihang pag-abot sa lugar kalit silang gipabuthan hinungdan sa kamatayon sa mga biktima samtang si Maguid ang posibleng nakadagan sa kabukirang bahin sa Palimbang Sultan Kudarat. 

Dili pa makumpirma karon ni Police Superintendent Emmanuel Peralta sa Sultan Kudarat PNP kung kinsang grupo ang nakaengkwentro sa grupo nilang Maguid. 

Kahibaluan nga si Mohammad Jaafar Maguid ang may patong sa ulo og posibleng nagkainteres ang mga kaubanan ni Maguid na buot siyang patyon. 

Kahibaluan nga si Maguid ang maoy gitudlong suspek sa pagpamomba sa Plaza Heneral Santos kaniadtyong milabayng tuig 2014 kung asa usa ang patay nga giilang si Jr Magnanao ug pagkaangol sa laing walo ka mga sibilyan.

Una ng naghatag ug reward money si Gensan City Mayor Ronnel Rivera ug mukabat sa 200,000 alang sa ikasikop sa naasoyng terorista.

Sa pagkakaron nagpadayon ang manhunt operation sa tropa sa Marine Battalion Landing Team na nakabase sa Sultan Kudarat.

Kini ang akong suliran, Manoy Emin - Agnes part 2

Ikaduhang bahin sa sulat suliran ni Agnes

     Gipanghikap sa akong bana ang sensetibong bahin sa akong lawas, apan i-nay manginit ko sa kahinam, giabut hinuon ako ug katulogon.
Gihagkan sa akong bana ang bililhong parte sa akong lawas, apan inay molit-ad ko ug mo utnga  sa kahidlaw, kawang ug wala gyoy hinungdan ang tanan tungod kay sama ra nga ang gi romansa sa akong bana, usa ka bugnaw nang patay…Unya diha na siya sa akong ibabaw, misagunson ug misagunson ang iyang hangos, gigakos ako niya ug hugot! “ohhhhhhhhhhh”  Miagulo sa ka lami ang akong bana migahi ang iyang kalawasan…Ug dihang milu-ag na ang iyang paggakos…” pahawa na diha kon humana ka”  Pu`ng pa nako, ug gitukmod ko siya aron mopahawa sa ibabaw sa akong lawas…Nanghupaw ko ug mitakilid nga mitalikod sa akong bana ug gipiyong ko ang akong mga mata aron matulog…
     Buntag na, sa kong nagmata… “good morning, mahal“ Hinay apan puno sa pagpangga ang tingog sa akong bana nga nagbarug sa pultahan…” ready na ang breakfast, honey…huwaton ka nako sa lamisa “ Mitan-aw siya sa iyang relo ug migawas sa among kuwarto…Ug ako usab mibangon, aron maligo…Ihatud nako ang akong bana sa Davao, kay adto siya manukad ug larga paingon sa Manila kay tua sa Manila ang barko nga estranghero para Europe diin siya maoy Chief Engineer…Romy, ang ngalan sa akong bana…48 na ang iyang idad samtang ako 27...Naka-utang ug dakung kantidad ang akong Mama ngadto ni Romy sa dihang gi operahan ang akong Papa.
     Tungod kay dili man gyod makabayad ang akong ginikanan…Ako ang gihimong bayad agad sa sugyot ni Romy nga pakaslan ko siya nga dugay na nga nangandoy sa makabibihag ko kaayong lawas…Usa lang kini sa hinungdan nganong wala gyod akoy gugma sa akong bana, tungod kay may lain akong gihigugma, Manoy Emin.

(atangi ugma ang ikatulong sumpay sa suliran ni Agnes)

Coco Martin mideklarang andam na sa kaminyoon

          Matod sa aktor na dugay niya ng buot magminyo og karong 30 anyos sobra na ang iyang edad nangita na tinood siya sa iyang maminyo-an.
     Dugang ni Coco nga nangandam na siya og gehulat nalang usab niya ang babayen'g gitagana para niya aron makasugod na siya sa dugay ng gehandom na pamilya.
     Gesaysay sa aktor nga naplastar na niya ang iyang pamilya og mga igsoon og gekalipay niya nga anaa sa maayong kahimtang ang iyang mga kabanay.

     Giangkon karon ni Coco Martin nga andam na siyang mu settle down aron maka-angkon na sa iyang matawag na kaugalingong pamilya.

Bomba mibusikad sa Tacurong, 3 samdan

     Gibulabog sa usa ka lanog nga pagbuto ang siyudad saTacurong  kagahapong adlawa hinungdan sa pagkaangol sa tulo ka mga biktima. Ang mga biktima giilang silang Freddie Tumanding  nga taga barangay  Poblacion, Tacurong; Patricio Pepeto og Nicole Fobar, 19, residente sa  Barangay Ledesma, Tacurong City.

    Alas 2:00 ang takna sa hapon dihang gibulabog sa pagbusikad sa usa ka Improvised Explosive Devise (IED) ang atubangan sa Farmers Bread bake Shop ug Caltex Gasoline Station  nga makaplagan sa barangay Poblacion, Tacurong City.
     Mibusikad ang  eksplosibo sa usa ka sakyanan nga Toyota kolor itom nga dunay Temporary Plate Number 122-680 nga gi-park atubangan sa  maong establishemento. 
Gikumperma ni Police Supt. Jeofel Siason ang Hepe sa Sultan Kudarat Provincial Public Safety Company (SPPSC) nga daan nang nakadawat ug bahad ang Sultan Kudarat. 
    Samtang gikumperma niini nga ang bombang mibusikad kagahapong adlawa susama usab sa bombang nakaplagan niadtong petsa 11 sa Enero atubangan sa gasolinahan sa maong syudad u gang bombang mibusikad duol lang sa maong lugar niadotng nakalabayng tuig.
    Sa kasamtangan padayon ang imbistigasyon sa kapulisan sa motibo sa pamusikad sa bomba. Gawas sa motibong pagpanghadlok ug terorismo usa sa mga ginatan-aw nga motibo sa kapulisan ang personal grudge ngadto sa nanag-iya sa sakyayan kung asa nagbuto ang bomba

Preso gigabas ang selda

     Ipsot ang usa ka preso human gigabas niini ang iyahang selda sulod sa compound sa Criminal Investigation and Detection Unit – Southern Mindanao Camp Fermin G. Lira General Santos kagahapon sa sayong kabuntagon.
     Giila ang nakaikyas nga piniriso nga si Bert Salamante alyas Estong, nag atubang sa kasong paglapas sa ginadiling droga. Si Estong ang dinakpan kaniadto sa Regional Special Investigation and Detection Team o RSIDT niadtong Enero 7 2016.
Matud pa ni Police Chief Inspector Elmer Guevarra sa CIDG12 nga posibling ala-1:55 sa kabuntagon gisugdan ug gabas sa suspek nga si Salamante ang iyahang selda nga walay nakamatikod nga gwardiya bisan pa man nga adunay naka ungot nga Closed Circuit Television o CCTV Camera sa tungod sa iyaha mismong selda nga gigabas. 

    Uwahi na lamang nabulabog sa mga personahe sa CIDG 12 nga naikyasan sila sa piniriso human misiyagit ang mga kaubang preso.
    Yano lamang usab nga migawas sa gate sa kampo sa kapulisan ang naasoyng suspek bisan pa man kini nagkadugo human maigo sa rihas sa selda nga iyahang gigabas. Sa pagkakaron nagpadayon ang manhunt operation sa mg aoperatiba sa CIDG 12, Gensan Police Command ug RPSB12 aron masikop pag usab ang naasoyng suspek

Kini ang akong suliran, Manoy Emin - Agnes

     Higala Igsuon! Ania ang labing una nga sulat tampo sa suliran nga  hatagan nato ug pagtagad. Ang maong sulat suliran gikan sa usa ka babaye nga taguon nato sa nga`n nga Agnes nga kaniadto nagpuyo sa Brgy Heights, Gen. Santos City…matud pa sa iyang sulat ---

Dear Manoy Emin,

     Una sa tanan daku kaayo ako ug pasalamat sa AksyonDyaryo, nga nagbutang gyod ug luna O dapit alang sa suliran sa kinabuhi…Tungod kay wither we like it or not…Tanang tawo sa kalibutan aduna man gyoy iya-iya nga suliran…Tagu-a ko palihug sa ngalan nga Agnes. Nagpuyo ko kaniadto sa Brgy Heights sa GenSan ug pagkakaron nia na ko magtago-tago sa laing dapit …Kon unsay rason nganong nagtago-tago ko…Palihug sunda ninyo sa pagbasa aron inyo gyod nga masayran ang tanan.  Lab-as pa kaayo ang tanan sa akong panumduman, Manoy Emin. 
     Gabii kadto…Naghayang ako nga naghigda sa kama namong magtiayon…Nagtotok ko sa kesame…Lutaw kayo ang akong hunahuna…Unya mihagtik ang pultahan sa banyo sa kuwarto namong magtiayon…Nahibaw ko nga nahuman na ug kaligo ang akong bana, ug gipiyong ko dayon ang akong mga mata, ug nabati nako nga gi-sera ang pultahan sa banyo…Pipila ka segundos…Nabati nako ang gipasirit nga perfume ug mialisbo dayon ang kahumot…Pipila ka mga segundos…Na feel nako ang gininhawa sa akong bana, nasabut nako nga gipaduol niya ang iyang nawong sa akong nawong diin nagpiyong gihapon ang akong mga mata…”Guwapa gyod kayo ang akong asawa”
     Hagawhaw apan klaro nakong nadungog nga gi simba gyod niya ang akong katahum. “I love you…Mahal ka kaayo nako, Agnes” And gently…Iyang giukoban ang akong mga ngabil…Sa laing higayon, gilu-od na sab ako sa akong bana! Gikan sa akong mga ngabil midailos ang iyang mga halok sa akong li-ug samtang hinayhinay niyang gihuslo ang gisul-ob kong pangpakatulog…
    Mihangos sa kahinam ang akong bana, apan ako walay reaksyon kay sama sa usa ka patay, bisan pa nga ang iyang mga halok diha na sa akong duha ka dughan…Unya usa na lang ang nahabiling tabon sa akong lawas…” Tangtangon nako kini, Agnes “ Ug gitang-tang sa akong bana ang nipis ug gamayng tabon sa akong lawas paingon didto sa akong tiil…Gibuka na nako ang akong mga mata…Nagkasugat ang among tinan-awan sa akong bana.
   

(atangi ugma ang sumpay sa suliran ni Agnes)
Ug sa makausa pa, sa laing higayon nagkanayon siya. “ Nahibaw ko, Agnes! Bisan gamay wa` ka gyod mobati ug gugma ngari nako, apan magpailob kong magpaabut kon kanus-a ka mobati ug pagmahal nako! I love you, Agnes “Ug unya milingi ko. Ug gipasagdan ko ang akong bana nga mibuhat sa angay niyang buhaton ngari sa akong lawas nga nag-amag sa kahamis ug kaputi…Oo Manoy Emin! Wa` gyod akoy gugma bisan gamay sa akong bana……

4 Sakyanan nagkarambola sa Highway, 3 patay, 4 angol

     

Tulo ang kompermadong patay samtang 4 ang angol sa nahitabong disgrasya sa kadalanan nga gilangkuban  sa usa ka van, duha ka tricycle ug usa ka motorsiklo sa National higway  Bo. Obrero, Barangay Dadiangas North General Santos.
      Ang mga nakabsan nailhang silang si Jaime Pendijeto Driver sa tricycle Plate No. MX-23206 residenti sa Barangay Apopong , Alfonzo Benites Calindo, residenti sa Prk Bayan, Alabel, Sarangani Province, driver sa  TMX motorcycle  plate no. OD 9627,  Ryan Bedanyo, 28 anyos nga taga Prk 4, Sto. Niño, Barangay Apopong, pasahero.
     Ang mga angol nailhang silang si Jhon Philip Abatayo, 20, estudyante sa Mindanao State University, Ryan Gintica, 21 anyos Security Guard, residenti sa barangay City Heights, Rodolfo Barbo, 44, April Rose Mendoza, residenti  sa Barangay Tambler, Leonardo Villanueva driver sa Private nga Tricycle , plate MA 2679 , Mary Joy Montenola, 42, Residenti sa Malisido, Subd. Barangay San Isidro ug Dona Belle Tunguia, 35.
     Anaa sa critical nga kondisyon silang si Abatayo ug Gintica. Samtang sagad sa mga nangaangol ang pasahero sa tricycle nga gimanihuan ni Pendijeto.
     Alas 6:50  ang takna dihang gidaro sa van plate no. AOA 2735 ang tulo ka mga sakyanan nga hinungdan sa pagbalintong sa mga nahisgutan. Duha ang on the spot patay nga silang si Alfonzo Benitez Candido ug Ryan Bedanyo, samtang nadala pa sa Doctors Hospital ang driver nga si Jaime Pendijeto apan  nakabsan gihapon sa iyang kinabuhi. Sumala ni Po1 Joel Quilendrino, traffic investigator sa Traffic Management Unit (TMU) nagdagan sa susamang direksyon  ang duha ka Tricycle ug ang motorsiklo samtang sugat usab ang dereksyon sa Van nga gimanihuan ni Bellido Balasan Jr. nga taga Polomolok. 
     Nangilog kini ug dalan nga hinundan nawad-an kini ug balansi nga miresulta sa pagtuyok sa van, pagan ang tulo ka mga sakyanan. Sumala sa mga testigo kusog ang dagan sa Van,
Apan hugtanon usab kining gihimakak sa driver. Sa kamsatangan ang driver sa pampasahiruang van ang anaa na sa kustudiya sa Traffic management Unit, samtang gihuwat pa karon sa kapulisan ang pamilya sa mga biktima kung ilang pasakaan ug kaso ang driver.